ANDREAS GINFAN

WHAAASSSUUUP

Þriðjudagurinn 21. Febrúar 2006

ENN AF ÞEIM GÖMLU

Þá eru gömlu hjónin búin að vera hérna í heila viku og þeim leist svona ljómandi vel á gamlingjamannaþorpið og golfvellina að hérna vilja þau setjast að. Vinir og vandamenn, farið að undirbúa ykkur undir löng ferðalög og ég ætla að fara að minka við mig þannig að ég sitji ekki uppi með þau. hehe.
Þau eru allavega búin að spila 3 bestu golfvelli hérna á svæðinu og vilja panta tíma aftur þegar við komum að sunnan. Við fórum í Hobbiton á Laugardaginn og var það hin besta skemmtun að sjá svæðið og rifja upp sögur frá kvikmyndatökunum. Ennig fórum við að skoða Maori þorp í Rotorua, þar sem ég var að vinna, og var þar mikil sýning á venjum Máríta á öldum áður. Síðan eru þau búin að fá 2 daga núna í að gera ekkert annað en að liggja á ströndinni og held ég að það sé það sem þau helst vilja.
Á morgun förum við svo til Auckland þar sem ég ætla að hitta Round Table Mass túr sem er að fara hérna í gegn og Kallinn ætlar að fara upp í hæðsta turna á suðurhveli jarðar sem er Sky tower. Síðan á að fljuga til Queenstown á Fimtudaginn þar sem við verðum fram á Mánudag. Set inn meira af myndum þá. Hérna eru myndir frá síðustu dögum.

Fimtudagurinn 16. Febrúar 2006

GÖMLU Í HEIMSÓKN

Þá eru gömlu hjónin komin í heimsókn og virðast ekki leiðast mikið. Þau vilja helst fá að liggja á ströndinni og spila golf allan tímann. 2 dagar eru liðnir og ég er í fríi líka. Þvílík snilld. Ég verð í ævarandi skuld við Mainzeal fyrir að hafa leyft mér að hætta svona snemma, enda held ég að þeir hafi verið fegnir að losan við mig.
Allavega, þá held ég að gömlu finnist ekkert leiðinlegt hérna og eru þau strax búin að biðja mig að búa hérna næstu 10 árin til að geta keypt sér gamlingjamannaheimili þegar þau hætta að vinna. HMMM. Ég veit ekki. Ég fer allvega með þau um helgina til að sýna þeim slík þorp og við sjáum hvernig þeim lítist á. Aldrei að vita nema að ég sitji upp með þau eftir allt saman.
Ég fór með þau upp á fjallið og eins og sést þá komust sumir upp en aðrir ekki. É ger samt hreykinn af kallinum. Með sína lofthræðslu þá komst hann um 4/5 leiðarinnar í þetta skiftið áður en hæðin bugaði hann. Þetta ver vel af sér vikið.
Allavega þá eru hérna myndir af fyrstu dögunum hérna og frá Kuala Lumpur. Þetta voru löng flug hjá þeim og tímamunurinn fór ekki vel í þau á 2. degi í KL. Þau spiluðu golf í dag, Svo verður farið í Hobbiton á morgun og svo er það aftur golf á sunnudag og mánudag og eru þau þá búin að spila 3 bestu velli hérna í Tauranga og þar af einn sem er einn af bestu völlum hérna á NZ.
Myndirnar sem þau hafa tekið eru hérna.

Mánudagurinn 13. Febrúar 2006

GOTT AFMÆLIS PARTÝ

Jæja, þá er afmælisdagurinn að baki og ég með eina hrukku í viðbót. Eða bíddu aðeins. Ég held að það hafi engi hrukka komið í þetta skiftið. Ég verð yngri og yngri með aldrinum. Liður allvega alltaf betur og betur. Samt skritið að vera atvinnulaus á afmælisdeginum sínum. Ef talað er um dagsetningar þá byrjaði ég mína fyrstu vinna 10. febrúar árið 1984 þegar ég byrjaði að vinna hjá pabba. að sjálfsðgðu hafði ég unnið áður en ekkert sem skilaði miklu í minningarbankann. Það er svo skrýtið að núna er ég að hætta minni fyrstu vinnu eftir námið þann 10 febrúar, reyndar 2006. Skyldi þetta þyða eitthvað???
Allavega þá var grillveisla hjá Round table um helgina sem "wind down" eftir blues, brews & barbeques. heppnaðist þvílíkt vel og ég er ánægður með að RT hafi boðið mér í eigin afmælisveislu. nóg að drekka og þreyttur fór maður heim.
En að öðru. foreldrar mínir eru að koma í heimsókn hingað á morgun þriðjudag. Hentar ágætlega að ég sé atvinnulaus til að sýna þeim Nýja Sjáland. Fljúgum til suðureyjarinnar í næstu viku ená eftir að ákveðna nákvæmlega hvernig þetta verður. Mun skrifa og setja inn myndir um leið og hlutirnir gerast.
þangið til næst, hafðiði það gott. Ég tók nokkrar myndir um helgina og eru þær hérna.
PS: við fóurm að borða á stað sem mig hefur legni langað á einungis út af nafninu. Staðurinn heitir HORNY BULL. hmmmmm Hér er margt furðulegt í kýrhausnumþ

Laugardagurinn 11. Febrúar 2006

ÉG Á AFMÆLÍ DAG

Ég á afmæli dag
Ég á afmæli í dag
Ég á afmæli í daaag.
Ég er 42ja í dag.

Og elska hvert einasta þeirra.

Daskrá dagsins er eftirfarandi:
Nr. 1   Sleezy morgunamatur
Nr. 2   Taka til áður en foreldrarnir koma í heimsókn
Nr. 3   Leggjast í sófann og dotta
Nr. 4   Vakna og fá sér Öl
Nr. 5   Skoða 2 hús sem eru á söluskrá hérna
Nr. 6   Fara og hitta RT félagana og spila fótbolta
Nr. 7   Fara í Grillveislu með RT félögunum og fá sér GIN
Nr. 8   Fara í bæinn og fagna deginum fram eftir morgni
Nr. 9   Skríða heim og dröslast í rúmið
Nr. 10 Vakna þunnur
Nr. 11 Fara og fá sér annan Sleezy morgunmat.

Föstudagurinn 10. Febrúar 2006

ÉG ER ATVINNULAUS (AUMINGI)

Hrykalega er þetta skrýtið. Mér líður eins og daginn sem ég tók lokaprófið mitt. það var hryyyykaleg tilhlökkun og maður hélt að endamarkinu væri náð og þá yrðu svaaakaleg fagnaðarlæti. En viti menn, það er ekkert. bara tómleiki og maður veit ekki alveg hvað er framundan. Ekki miskilja mig. þetta er mjög góður tómleiki. Þetta er bara svipað, tímamót í mínu lífið og maður veit ekki hvernig tekst til með framtíðarverkefnið.
Þessi dagur var skrýtinn í mesta lagi. Ég hafði sagt við alla á staðnum sem voru að vinna fyrir okkur (ca. 40-50 manns) að ég myndi bjóða upp á bjór í lok dagsins, sem er hjá undirverktökum kl. 3 á föstudögum. (Allavega bauðst Mainzeal ekki til að bjóða eitt eða neitt) Svo kom föstudagurinn og það var grenjandi rigning.. Works, sem er það fyrirtæki sem ég er að fara að vinna hjá og er undirverktaki hjá okkur í Rotorua hættu strax að vinna eða um kl. 8.00 um morguninn. Stálgrindarmennirninr hættu líka allir nema 2 um 10 leytið en þesir 2 uðru að taka á móti efni. Píparinn dugði til kl. 2 og byggingameistarinn til um 1. Þetta boð mitt varð því verulega ódýrt en ég hafði reiknað með um 5 kössum af bjór sem kosta hérna um 5.000 kr heilar, og þá í heildina, ekki hver og einn. Ég endaði á því að gefa Jensen mönnum sem tóku á móti stálinu 8 bjóra til að drekka á leiðinni heim til Tauranga. Restin er hérna heima hjá mér.
Ætlunin var að vera í Rotorua og fara á djammið með strákunum á staðnum en vegna veðurs voru allir farnir heim og ég ákvað því að drífa mig heim líka. Djammið átti að vera farið en viti menn. núna er klukka 9 á föstudagskvöldi og ég er alveg að sofan. hmmmmm. koma tímar koma ráð.

Föstudagurinn 10. Febrúar 2006

ANNAÐ SÆTI Í TRIATHLON Í TAURANGA

Ég tók upp á þeim ófögnuði að taka þátt í Triathloni núna um síðust helgi. Þetta var reyndar í styttra lagi í þetta skiftið, eða helmingur af desember triathloninu sem við gerðum. Í þetta skiftið var þetta 300m sund í sjó, 9,5km hjólreiðar og 3 km hlaup. Ég fann strax í sundinu að ég var ekki í sömu þol þjálfum og í Desember . Þar sem það var fjara var möguleiki á því að "hlaupa" í vatninu í staðinn fyrir að synda. Ég reyndi mikið að synda í byrjun en var alveg að gefast upp þar sem ég náði ekki til botns og færði mig því aðeins nær landi. Þetta var eins og að svífa í loftleysi að hlaup um í vatninu og náði ég að fara framúr nokkrum sem létu sér það lynda að synda.
Hjólreiðarnar voru keppni við kvenmann, u.þ.b. 75 ára gamla og tók hún fram úr mér jafnóðan og ég tók fram úr henni. Við fylgdumst að mestallan tímann. Ég hins vegar náði ég að vinna hana á hörkunni þegar kom að hlaupinu. Ótrúlegt, að aðalkeppinauturinn skuli hafa verið frú, eldir en foreldrar mínir. Hvað segir það um mig..
Allavega, Ég varð númer 2 í röðinni af Mainzeal starfsmönnum, líka númar 2 í flokknum 40+ , sem ég er mjög hreykinn af og númer 31 af heildinni sem er ekki slæmt af 84 keppendum í þessum flokki. Í næsta mánuði verð ég í 30. sæti eða neðar. Ég tók saman nokkarar myndir af þessu sem Baddi tók og eru þær hérna.

Þriðjudagurinn 31. Janúar 2006

AUCKLAND, ERFIÐ HELGI

Ekki skal því neitað að þetta var stembin helgi. Þegar lagt var af stað á Laugardagsmorgni átti að stoppa þarna norður frá í eina nótt. Raunin varð hins vegar önnur. Partýið drógst á langinn þegar fara átti af stað til baka á sunnudeginum var ákveðið að vera næstu nótt hjá Pedro í Orewa, sem er 30 mín fyrir norðar Auckland. Það var því annað partý á Sunnudeginum sem endaði með ferð til Kanadabúnna á ströndinni þar sem synt var í sjónum klukkan 3 að nóttu. Það hlýtur allavega að hafa verið á þeim tíma þar sem ég kom ekki heim fyrr en klukkan 4 að því sem Baddi segir mér, enda fylgist hann með hverri minni hreyfingu eins og afbrýðisöm eiginkona. (myndir/pictures) ( video)
Skoðuðum svo vinnuna hjá Pedro en það er hraðbraut sem nær 9 km fram hjá Orewa. Þetta er ótrúleg framkvæmd og er meðal annars verið að byggja um 300 metra brú yfir eitt gilið einungis til að leyfa Kauri trjám að vaxa undir henni. Dýrt það. Allavega framkvæmd upp á um 360 Milj NZ$ og eyðslan er um 300.000 NZ$ á dag.
Hér er annars farið að vera verulega heitt og rakinn óbærilegur. Núna er klukkan t.d. að verða 9 að kvöldi og maður situr á bolnum og bara svitnar og svitnar. Hitamet var sett niður á suðureyjunni þar sem var 36°C í 3 daga í röð og hefur það ekki gerst í marga áratugi. Hér hjá okkur er þó ekki búið að vera nema þetta 28-32°C en rakinn gerir það að verkum að maður bara svitnar og svitnar. úfffff.
Já, svo er ég að fara á kynningarfund annað kvöld um verkefnið sem ég er að fara að vinna að hjá Works næsta árið eða svo. Ég skrifa meira um það síðar í vikunni þar sem ég verð þá búinn að fá meiri upplýsingar um það hvert mitt hlutverk verður. Ráðníngarsamningur segir hins vegar að ég sé Svæða stjóri (Section Manager) og sjáum við til hvað það þýðir.

Fimtudagurinn 26. Janúar 2006

NÝ VINNA, GLEÐIDAGUR Í M ÍNU LÍFI

Að sjálfsögðu lét ég vaða. Ég reyndar tók sjéns sem ég sagði engum frá að tvennu leyti. Í fyrsta lagi þá sagði ég upp í dag áður en ég var kominn með skriflega samning í hendurnar en þar sem nýji yfirmaðurinn minn hann Peter sagði mér að hann væri búinn að kaupa nýja 4WD Hilux inn minn þá ákvað ég að segja gamla yfirmanninum mínum honum Peter að ég ætlaði að segja upp núna.
Eftir að hafa talið í sig kjark allan morguninn og dregið þetta í nokkra tíma ákvað ég loksins að láta vaða. Eftir smá úskýringar og fát og fuml komst ég þó að því að þetta var ekkert mál og ég teygði mig í vasann þar sem uppsagnar bréfið var og rétti Peter það. Ég hélt að þetta yrði stórmál en komst að því að þetta var skíííteinfalt. Bara að koma sér að efninu.
Allavega, ég er búinn að fá saminginn sendann í pósti þannig að ég gat treyst þessu máli. Þarf reyndar að lesa yfir samninginn en þar sem Baddi las hann á meðan ég eldaði þá sagði hann mér að ég þyrfti að fara í dóp próf áður en allt yrði samþykkt. hnnmnn. skyldi ég standast, jehhh right. Ég verð reyndar í mjög góðum málum þar nema ef að áfengi er tekið inn í dæmið. þá er best að fara í þetta próf á föstudegi en ekki á mánudegi.
Ég vil nú ekki hafa þetta of langt í þetta skiftið en svona rétt smá upplysingar þá er Works soldið stærra en Mainzeal. Works er með um 3.000 manns í vinnu en mainzeal um 450. Velta Works er um 600 milj NZ$. Works er í eigu fyrirtækis sem heitir Downer og er eitt stærsta vertakafyrirtæki hér á suðurhveli jarðar með starfsemi um allt nýja sjáland, ástralíu, asíu og eyjaálfuna. Velta þess er um 3,8 miljarðar NZ$ eða um 1600 miljarðar ISK sem eru tæplega 5 ára velta íslenska ríkisins. Starsmenn eru um 15.000. Þetta kanski gefur möguleika á að vinna í fleiri löndum en NZ. Aldrei að vita.
Allavega þá hlakkar mig mikið til að fá nýja 4WD Hilux inn minn, og símann og tölvuna og feitu launahækkunina, svo ekki sé talað um að vinna með mennsku fólki. hehe
Læti vita meira fljótlega

Þriðjudagurinn 24. Janúar 2006

SENNILEGA NÝ VINNA

HOWDI allir. Ég fór í þetta atvinnuviðtal í gær og það gekk svona ljómandi vel. Ég var vel undirbúinn og með lokaverkefnið mitt til að sýna hvað ég nú hefðí í raun gert í skólanum en það kom aldrei til þess að ég þyrfti að sýna það. Sá sem ég hitti lýsti verkinu fyrir mér og er þetta verk upp á 25 milj NZ$, sömu upphæð og verkið sem ég er í í dag. Þetta verk er skift í 3 svæði og nær yfir um 14 km. Þetta eru hreinsistöðvar svipaðar og hefur verið að byggja á ströndinni í kringum Reykjavík síðustu árin og mitt verk yrðir að byggja aðaldælustöðina. (sjá upplysingar hér og aðrar hér)
Bara er búið að ráða 2 verktaka og yrði ég því með í þvi að velja restina. Ég þarf að gera alla skipulagningu og öll tímaplön og samskifti við verktaka. Ég þarf að mæta ákveðnum dagsetningum þar sem skila á verkinu, erfiðara er þetta ekki. Ég verð sem sagt svona nokkurs konar allsráðandi yfir mínu svæði og yfirmaður minn er yfirmaður allra 3ja svæðanna. Þetta hljómar virkilega spennandi verkefni og er ég 99% viss um að ég mun taka þessu ef ég fæ skriflega samninginn á morgun í hendurnar eins og lofað var.
Og ekki skemmir launahækkunin fyrir, en ég sagðist í viðtalinu vera með mun hærri laun en ég er með þar sem ég ætlaði svo sem ekkert aðskifta. Að sjálfsögðu má ég ekki tala um laun hérna á NZ þó að ég muni eflaust gera það til íslands. Kem kansi að því síðar ef af þessu verður an allvega þá fæ ég splunkunýjan Toyota Hilux, útgáfu sem ekki einu sinni er byrjað að selja í Evrópu, til eigin ótakmarkaðra nota . Ekki skemmir fyrir að ég fæ GSM síma í hendurar sem er nokkuð sem fyrirtækið mitt í dag tímir ekki einu sinni að kaupa fyrir mig og ferðatölvu til notkunar í vinnunni. HMMMMM.
Er þetta einhver spurning????? Hvað segið þið?????

Sunnudagurinn 22. Janúar 20056

SUMARVEÐUR HVAÐ.

Hér er búð að vera sannkallað sumarveður um helinga. Ströndin var troðfull af fólki og ekki skemmir fyrir allar stelurnar sem eru á sínu litla bikiní fatnaði. Helgin var annars frekar erfið þar sem Andy sem var staðarstjóri í Hamilton þegar ég vann þar kom í heimsókn ásamt Joselito frá Filipseyjum, en hann var verkstjóri eins og ég á staðnum. Andi er að reyna að fá mig til að vinna fyrir Works og kom hann á þessu atvinnuviðtali sem ég fer í á mánudaginn. Hann lagði mikið á sig við að sannfæra mig um gott starfsumhverfi og hvað Works stendur fyrir. Þetta hlómar verulega spennandi og gott fyrirtæki að vinna fyrir. Fórum að heimsækja stæðsta byggingastað á Nýja Sjálandi í dag sem er fangelsi um 2 tíma héðan. Mainzeal er aðalverktakinn en Works er undirverktaki hjá þeim og sér um allar skólplagnir og vegaframkvæmdir á staðnum. Works er líka undirverktaki hjá mér í Rotorua og skrýtið með að að segja að Verkenfa stjórinn þar er líka búinn að bjóða mér vinnu. Það er soldin tilviljun ekki satt. Allavega, það verður gaman að sjá hvað gerist í þessu atvinnuviðtali á mánudagskvöldinu.
Labbaði á fjallið áðan sem tekur um klukkutíma. Frábært útsýni og menn að hoppa fram af fjallinu á sínum flugdrekum eða hvað það nú kallast.
Enginn vindur fyrir Kite sprtið eins og er. Hvernig er hægt að hafa betra líf en þetta. Ströndin við hendurnar. Hvað þarf meira???
OOHHhhhhhh. By the way. Hvað finnst ykkur. Á ég að skifta um vinnu og þá hvers vegna??. Ég hef margar ástæður til að velta vöngum.

Fimtudagurinn 19. Janúar 2006

HMMMMMMMM

Er ekki alveg að nenna þessu þessa dagana eins og sést. Er með video af Blues Brews & Barbeques tilbúið til klippingar. Verð að klára það til að setja á www.roundtable.co.nz síðuna sem ég sé um. Vinnan að ganga ágætlega en verkefnastjórinn alltaf í slæmu skapi. Er kominn með breytt bak eftir allar skammirnar. Staðarstórinn aðeins farinn að verða betri í að segja manni til. Fer í atvinnuviðtal hjá öðru fyrirtæki sem er enn stærra en það sem ég er hjá á mánudagskvöldinu næsta. Af hverju ekki að spjalla. Það skaðar engann. Hef ekki kætað í mánuð. Strandblak um síðust helgi þar sem 10. besta lið í heimi var að keppa. frábært og við komum fram í sjónvarpinu. Verð að skrifa meira um helgina. Svona leti gengur ekki. Myndir af þessu öllu á www.baddi.dk
Heyrumst þá hressari.

Miðvikudagurinn 4. Janúar 2006

ÁRAMÓTIN OG GIFTINGIN

Smá ferðasaga frá áramótunum:
27. des.
Keyrðum upp til Kerikeri í bay of Islands. Venjulega um 5 1/2 tími í akstri en 9 tímar í þetta skiftið vegna mikillar umferðar. Piparsveinapartý Pedros um kvöldið. (sjá myndir hér)
28. des.
Sigling um Bay of Island með Pedro og strákaunum. Veitt og drukkið. Stoppað í Russel (fyrsta höfuðborg NZ) og bundið við bryggju til að fara á barinn svona rétt eins og ríka fólkið gerir. Grillaður fiskur og franskar um kvölidð. alger snilld. (sjá myndir hér)
29. des.
Gifting fór fram í Paihia, strandbæ um 20 mínútur frá Kerikeri. Við BAddi gistum á Backpackers og klæddum okkur í þjóðbúninginn og jakkaföt og vorum langflottastir. Mættum á staðinn á Tuctuc sem er svona mótorhjól með aftanívagni eins og notað er í Bangkok. Brúðkauðið var á ströndinni, þvílíkt fallegur staður, svona vill ég gera þegar ég gifti mig eftir ca 50 ár eða svo. Party fram eftir nóttu og lengur hjá sumun en öðrum. (sjá myndir hér)
30. des.
Þynkudagur með stóru Þ-i en síðan hist hjá foreldrum Tracyar (brúðarinnar) í eftirmiðdaginn í fjölskylduboð sem stóð fram eftir kvöldi. Mikið fjör og það tók okkar Félagana um 3 rauðvínsflöskur til að reyna að komast í gang. Það tókst ekki og því sveftími snemma. (sjá myndir hér)
31. des.
Farið til Charlies rock um hádegið til að hoppa fram af klettunum. Alger snilldar staður. Farið til Pahia í eftirmiðdaginn í heimahús og farið í marga stórskemmtilega drykkjuleiki. Þegar skyggja tók var farið á skemmtistað í bænum. Þegar líða tók á miðnætti var farið niðrá höfn þar sem báturinn beið okkar. Sigldum út á sjó og horðum á mjög góðu flugeldasýningu og síðan siglt til Kerikeri aftur. Þegar heim var komið var mikið partý á backpackers staðnum sem við gistum á og tók ég aðsjálfsögðu þátt til klukkan 5 um morguninn. Hitti íslending þar af algerri tilviljun. Hann býr í Auckland en var í fríi þarna og lenti á sama stað og við. Furðulegt hversu lítið ísland er. Alger snilldar gamlársdagur sem sein mun gleymst. soldið mikið öðruvísi en kuldinn heima, enda allir í stuttbuxum og sandölum. (Sjá myndi hér)
1. des.
Aftur farið á charlies rock til að hrista þynkuna úr sér. Annars leit dagur og það eina sem við gerðum var að skreppa og skoða Kauri skóg, en þau tré geta orðið allt að 4.000 ára gömul og það stæðsta inniheldur um 150 rúmmetra af timbri. Tré í mikilli útrýmingarhættu vegna hægs vaxtar. (sjá myndir frá gamlárdegi)
2. des.
Keyrt heim kl. 6 um morguninn. Sluppum við mest alla traffík þar sem við lögum af stað svona snemma.
Allur tíminn.
Við vourm duglegir á videovélinni og tók Baddi sig saman og gerði brot af því besta þó að erfitt hafi verið. (sjá video hér)

Mánudagurinn 2. Janúar 2006

SKÁLDAHÆFILEIKAR MÍNIR PRÓFAÐIR

GLEÐILEGT ÁR ALLIR HEIMA OG HEIMAN.

Önnur útgafa af klukki er farin að ganga um netið núna og virkar hún þannig að þú setur inn comment með nafni þinu og ég segi þér eftirfarandi hluti:

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4 Ég segi þér fyrstu ljósu minninguna mína af þér
5. Ég segi þér á hvaða dýr þú minnir mig á
6. Ég spyr þig að einhverju sem ég hef velt lengi fyrir mér um þig
7. Ef þú tekur þátt þá verður þú að setja þetta á bloggið þitt!

Svo er bara að muna að þeir sem taka þátt verða að setja þetta inn á bloggið hjá sér. Það er alger skylda. Þar sem ég tók þátt í þessu hjá henni Hrund Stuðboltastelpu, hressri stelpu sem ég hef gaman að lesa bloggið hjá. Þetta sagði hún um mig:

1.Ég hef þá mynd af þér að þú sért ævintýragjarn en staðfastur, hikir ekki við að njóta lífsins en sért líka tilbúinn að leggja ýmislegt á þig til að fá sem mest út úr því. Svo ertu FYLKISMAÐUR.
2.Fyrsta myndin sem kom upp í hugann var James Bond (he he) og myndin sem mér dettur í hug er Lord of the Rings. Varð oft hugsað til þess að ég kannaðist við einhvern á Nýja Sjálandi þegar ég var að horfa á aukaefnið með myndunum um daginn
3.Uhh...GIN !!!
4.Fyrsta ljósa minningin af þér er komment eftir að síðan mín fékk tengil á tilverunni.is. Þá skyldirðu eftir komment um að þú værir líka í próflestri (minnir mig) en værir staddur á Nýja Sjálandi og ströndin væri meira freystandi en bækurnar. Svo á ég auðvitað viðtalið við þig og það er sterk minning að taka viðtal við einhvern sem ég hef aldrei séð. Þetta var örugglega fyrsta viðtalið sem ég skrifaði en nú eru þau orðin ansi mörg á stuttum tíma
5.Hmm, það er nú það. Kannski þrjóskuHUNDUR miðað við árangur þinn í líkamsræktarátakinu
6.Af hverju Nýja Sjáland?

Og þetta er svarið mitt.

1. Ég held að þú sért að vissu leyti ofvirk, enda virðistu taka þátt í öllu félagslífi sem þú getur, hvort sem er í skóla, íþróttum eða á djammi. Held líka að þú eigir eftir að verða þekkt sjónvarspstjarna á Íslandi.
2. Erin Brockovitch með Juliu Roberts. Held að þú sért sami hörkunaglinn og hún var.
3. Gull Kiwi ávöxtur. Þeir eru frekar sjaldgæfir.
4. Þegar ég fékk spurningalistann fyrir viðtalið eftir að þú óskaðir eftir hugmyndum um viðtal sem þú þurftir að gera sem skólaverkefni. Reyndar var allra fyrsta minningin eftir að linkurinn á síðuna þína var inn á tilverunni og ég setti í commentin hjá þér að við bæði vorum í lokaprófum á svipuðum tíma, þú í snjónum á Íslandi og ég á ströndinni á NZ í 25°c hita.
5. Hvítan einhyrning. Þegar þeir sjást í bíomyndum er það alltaf tákn um eitthvað gott.
6. Á ekkert að fara að ferðast lengra en til Köben?

Og svo þarf ég væntanlega að svara hennar spurning um það af hverju ég valdi Nýja Sjáland:
Í fyrstu var þetta vegna fjarlægðarinnar og sérstaklega þar sem NZ er á suðurhveli jarðar. Mig hafði alltaf langað til að koma hingað eða til Ástralíu (hafði reyndar farið til Suður Afríku áður) og ég vissi að ef ég færi ekki sem skiftinemi þá myndi ég aldrei fara á þessar slóðir á ævinni. Þegar ég kom hingað fyrst þá óraði mig ekki fyrir því að ég ætti eftir að flytja hingað og vinna eftir að námi lauk. Þetta er einfaldlega land sem býður upp á allt sem hægt er að hugsa sér, allavega allt sem ég vil þessa stundina fyrir utan hangikjót, kæsta skötu, rjúpur, íslenskan lakkrís, Mills kavíar, flatkökur, bernaissósu, sviðahausa og þorramat.........DAMIT, ég er hættur að telja upp, þetta kallar á heimþrá. hehe

Sunnudagurinn 25. desember 2005

AÐFANGADAGUR

Þá eru jólin hérna komin og næstum því farin. Við reyndum að gera þetta eins íslenskt og hægt var miðað við aðstæður.

Aðfangadagurinn byrjaði í ræktinni þar sem við sóttum vinningana okkar en við vorum í 1. og 2. sæti yfir bestan árangur á þessu ári . Að sjálfsögðu var ég í því fyrsta og Baddi bara í því öðru.

Í hádeginu eldaði ég grjónagraut sem var framreiddur með hlaupi í þar sem við fundum engar möndlur. Meðlætið voru jarðarber að hætti Badda fjölskyldu og rúsínur og kanelsykur að hætti minnar fjölskyldu. Þar sem Baddi hefur tapað öllum keppnum við mig til þessa var það sárabót fyrir hann að vinna "hlaup" gjöfina.

Eftir hádegið fór ég svo að kæta og er ég farinn að geta staðið stutta stundá brettinu sjálfu. Þetta er alveg að koma allavega. Þar á eftir var tekinn göngutúr á ströndinni og sumarstemmingin fönguð, enda um 25 stiga hiti og sól.

Við ákváðum að hafa eitthvað öðruvísi í matinn og fundum önd hjá slátraranum. Öll matargerðin var tilraunastarfsemi af hæðstu gráðu enda endur eitthvað sem við höfum aldrei eldað áður. Allt heppnaðist þetta með besta móti og Burger King var því ekki notað sem back up eins og plan B gerði ráð fyrir. Borðað var út í garði og gerði það jólin aðeins öðruvísi.

Þegar pakkarnir voru opnaðir kom í ljós að þeir höfðu verið sendir frá Íslandi áður en þær fréttir bárust yfir netið að ræktin hafi verið stunduð af mikilli alvöru síðastliðnar 12 vikur, enda nota ég boli núna af stærðinni Small en ekki XL eins og áður.

Jæja, Í dag, jóladag á að hitta Pedro og halda KIWI jól sem eru þannig að fjölskyldan hittist og grillar saman og drekkur öl og vín. Sjáum hvernig það gengur.

Ég setti myndir af þessu öllu og eru þær hérna.

GLEÐILEG JÓL TIL ALLRA.

Þriðjudagurinn 20. desember 2005

HELGIN MEÐ ASMUND OG KING KONG

Ég var að bæta inn myndum frá helginni en ég fór með Asmund og Stien í skoðunarferð um Coramandel Peninsuala. Keyrt var á laugardagsmorgni og fyrsta stopp var á Hot Water Beach, sem er í um 2 1/2 tíma keyrslu frá Tauranga. Vegirnir eru mjög þröngir og hlykkjóttir, svo hlykkjóttir að það varð sumum um megn. Þurfti t.d. Stien að skila morgunmatnum í fyrsta stoppi eftir nokkurn svima og ógleði á leiðinni.

Hotwater beach er sérstök fyrir það að það er uppspretta heits vatns sem rennur undan kletti þar á ströndinni. Uppsprettan er þannig staðsett að einingis er hægt að njóta heita vatnsins þegar fjara er. Mætir þá herskari fólks með skóflur og grefur holur í sandinn og flatmagar þangað til að flæðir að aftur.

Að þessu loknu var farið í keyrslu um skagann á ennþrengri malar vegum til að skoða Kauri tré. Kauri tré voru mjög algeng hérna á öldum áður en í dag er búið að höggva og eyða um 97% af heildarfjöldanum. Í dag eru þau friðuð, sem betur fer. Þetta eru ein af stæðstu lífverum jarðarinnar og það stæðsta sem við sáum var t.d. um 60 metra hátt, 9 metrar í ummál og 1200 ára gamalt. Það var því að verða 100 ára gamalt þegar fyrstu menn komu til Íslands, samkvæmt Íslandsögunni.

Að sjálfsögðu var farið á næturlífið í Tauranga á föstudeginum og Auckland á laugardeginum. mikið fjör og mikið gaman svona þegar maður fær frelsi aftur frá ræktinni. Sjá Blogg hjá Badda. Spurning hvort að næsta veðmál verður ekki hvor okkar getur bætt á sig aftur sömu þyngd á sem skemmstum tíma.

Við enduðum síðan helgina í bíó og sáum King Kong. Engin smá mynd. Ekki spurning að þetta verður ein af myndum ársins eða áratugarins. Hryykalegar tæknibrellur og ég verð bara að segja að ég var sepnntur yfir myndinni nánast allan tímann. Mæli með henni við all.

Setti inn soldið af myndum og reyndi að velja aðrar en Baddi setti inn hjá sér en það var reyndar ekki alltaf hægt.

PS. ÉG VARÐ AÐ SETJA ÞESSA MYNDI INN AF MÉR Í NÝJU FYLKIS HANDBOLTATREYJUNNI SEM INGA KA FAN SENDI MÉR OG INGÓ HENNAR SPILAR Í. LOKSINS Á ÉG STUTTERMA FYLKISTREYJU. TAKK TAKK BÆÐI TVÖ. (og ég meira að segja passa í hana, eins og allar aðrar Fylkistreyjurnar, svona allt í einu)

Sunnudagurinn 10. desember 2005

LÍKAMI FYRIR LÍFIÐ - BODY FOR LIFE - 12 VIKNA ÁSKORUN

FOR ENGLISH VERSION CKLICK HERE

ÁSKORUNIN

Það var hérna um árið, svona ca 1985, að ég var fit og flottur. Síðan þá hefur mér tekist að byrja að reykja, hætta að reykja, ég var byrjaður að drekkað áður og er ekki hættur, og ég hef náð á þessum 20 árum að bæta á mig um 20 kg hið minnsta. Það var því ekki orðin fögur sjón að líta á mig í prófíl og vel skiljanlegt að engin hafi litið við mér af hinu kyninu.

Þegar ég kom hingað fyrst þá var ég rétt um 100 kg þó að ekki hafi það verið í langan tíma. Það þurfti því orðið að taka aðeins til í kroppnum og hreinsa út áfengi, ruslmat og annað sem niður hafði farið síðustu 2 áratugina, auk þess þurfti lifrinni smá breik eftir háskólaárin. Við ákáðum því vininrnir ég og Baddi að taka 12 vikna LÍKAMI FYRIR LÍFIÐ áskorun. Til að halda sér við efnið gerðum við veðmál þar sem sigurvegarinn í keppninni fengi flugfar til Ástralíu í vinning. Tekið var samtala af töpuðum kíló prósentum og tapaðri fitu prósentu.

Þar sem ég er að vinna í Rotorua og þarf að vera mættur þar kl. 7.30 á morgnana var ekki um neitt annað að ræða en að vakna fyrir klukkan 5 á morgnana og vera mættur í ræktina kl. 5.30. Jamms ég sagði 5.30 á morgnana. Þá er klukkutíma æfing og svo er ég sóttur kl. 6.40 til að fara í vinnuna. Þetta voru því langir dagar, enda ekki kominn heim fyrr en um 6.30 á kvöldin til baka. Æft var 6x í viku og missti ég einungis úr 2 skifti, annað þar sem ég svaf yfir mig og hitt þar sem ég var “þreyttur” eftir fund með Roger Taylor kvöldið áður.

Mataræðið var sérstaklega tekið í gegn og var keypt inn og eldað fyrir alla vikuna á sunnudögum og allur matur var viktaður og settur í dollur og síðan frystur. Borðað var 5x á dag og mátti að sjálfsögðu ekki drekka bjór né afengi. Það gekk svo langt að ég meira að segja sleppti Gininu mínu nokkrar helgar til að ná betri árangri. Bjór var bannorð og keyptum við t.d. kassa af honum áður en við byrjuðum og hann var ennþá óopnaður þegar foreldrar Baddia komu hingað í heímsókn. Ótrúlegt en satt.

En til að gera langa sögu stutta þá var þetta vel erfiðisins virði. Þetta var puð og streð og alltaf jafn erfitt að vakna svona um miðja nótt. En við héldum okkar striki, enda flugfar í veði. Niðurstaðan varð sú að ég tapaði 16 kg á þessum 12 vikum og hef sennilega aldrei verið jafn fit á ævinni, allavega ekki sl. 2 áratugina. Hérna er árangurinn í tölum:

	Fyrir	Eftir	Mismunur
Þyngd	92,8 kg	76,95 kg	15,85 kg
Líkamsfita	24,83%	14,34%	10,49%
Vöðvamassi þyngd	69,76 kg	65,92 kg	3,84 kg
Líkamsfita þyngd	23,04 kg	11.03 kg	12.01
Mittismál	109 cm	88,5 cm	20,5 cm
Samtals tapaðir sentimetrar			46 cm

Þegar keppnin byrjaði þótti mér ekki líklegt að ég næði að sigra hinn stóra Badda enda var hann 121,4 kg í byrjun en önnur varð raunin. Ég svoleiðist rústaði honum í þessu þegar á heildina var litið, þrátt fyrir að hann hafi tapað fleiri kílóum eða 21,5 (sjá síðuna hans)

TRIATHLON

Til að fá síðan smá auka áskorun í þetta þá ákváðum við að skrá okkur í TINMAN TRIATHLON hérna við fjallið þann 4. desember. Það fer þannig fram að fyrst þarf að synda 750 metra í sjónum. Síðan hjóla 20 km og þar á eftir að hlaupa 5,5 km. Ég skal alveg viðurkenna að þetta var það laaang erfiðasta líkamlega sem ég hef nokkurn tímann gert, enda aldrei tekið þátt í nokkurri keppni af nokkru tagi síðan ég hætti í fótboltaum um 18 ára aldurinn. Þetta hins vegar tókst og lauk ég keppni á um 98 mínútum, ca 4 mínútum á undan Badda, hinum unga. Því miður var ekkert veðmál í boði þarna.

Ég held að ef ég bæti mig í sundinu og læra að skynda skriðsund þá muni ég ná að klára ólympíu vegalengdina á næsta ári sem er 1500 m sund, 40 km hjólreiðar og 10 km hlaup. Það er allavega markmiðið fyrir næsta ár.

Ég fann link með myndum teknum af mótshöldurum af mér og er hægt að sjá þær hérna.

ÁFRAMHALDIÐ

Núna er bara að reyna að halda sér við efnið og þau 77 kg sem ég er í dag. Jíbbbíííí. Ekki slæmt hjá kallinum á FIMTUGSALDRINUM. Ég segi bara að finnst ég get þetta, þá geta þetta allir.

Ég gerði um þetta video sem er hérna og myndir af þessu öllu, auk þess sem ég hef verið að bralla sl. 3 mánuði, eru hérna Videoið hans Badda er hérna.

KEEP FIT

Miðvikudagurinn 7. desember 2005

SVAF YFIR MIG

Spáiði í því. Klukkan er núna 6.30 að morgni og ég svaf yfir mig. Ég er vanur að vakna klukkan 6 til að koma mér í vinnuna. Þetta er öðruvísi en áður þegar ég var að vinna á Íslandi og þurfti að mæta kl. 9 að morgni. Þá var klukkan stillt uppúr 8 að morgni, farið framúr uppúr 8.30 og rétt náð að mæta um 9leytið.
Sumrið er deffinetly komið hérna með um 25 stiga hita og sól. Helgin fór í það að liggja á ströndinnni og horfa á fellga unga kvenmanslíkama. Reyndar fór ég að kæta á laugardeginum og náði loksins og komast upp á brettið sjálft. JÁ JIBBBÍÍÍÍÍÍ. Ég náði að sigla sjálfur, þó að ekki hafi verið nema í um 10 sekúndur. Næstu helgi mun þetta svo verða fullkomnað. Baddi mætti og tók vídeo af þessu öllu þannig að ég mun birta það við tækifæri og leyfa ykkur öllumj að hlæja að snilld minni.

Til baka á forsíðu