WHAAASSSUUUP

Sunnudagurinn 22. maí 2005

GOKART MEÐ MAINZEAL

VEÐRIÐ

Jæja, þetta endaði í 320 mm á einum sólahring og er því búið að rigna núna 560 mm í þessum mánuði og búist er við öðrum 50 mm í nótt. Fleiri tugir húsa eru hrunin

og ónýt og önnur 17 voru rýmd í dag. Við vonum að þetta fari að ganga yfir og að sólin fari að skýna.

GOKART

Á föstudaginn fór ég með starfsmannafélagi Mainzeal í Gokart. Þetta var skemmtileg kvöldstund þar sem keppnisskapið réð ríkjum. Skift var í 3 lið og voru 4 í liði. Keppt var í 2 umferðum og var hver umferð 80 hringir eða 20 hringir á mann. Í fyrstu umferðinni lenti mitt lið í 2 sæti en í 1. sæti í annar umferð. Þetta skilaði okkur í 1. sæti í heildar keppninni. Ég tók nokkrar myndir af þessu og setti á netið. Þær er hægt að skoða hérna og á myndasíðunni minni.

DJAMM Í BÆNUM

Fyrir rúmri viku síðan skelltum við okkur óvænt í bæinn á föstudagskvöldi. Það var ekki ætlunin að gera neitt en þegar Börkur og Trond Magne komu í heimsókn var ekki hægt að segja nei. Við erum frekar veikir fyrir. Ég tók nokkrar myndir og hægt er að skoða þær hérna og á myndasíðunni minni.

Fimtudagurinn 19. maí 2005

ENNÞÁ RIGNIR - NÚNA 350 MM Á 24 KLST

Ég sagði ykkur frá því í síðustu viku að hérna hafi komið sú mesta rigning sem ég hafi nokkurn tíman séð. Sú rignir var smámunir miðað við þá rigningu sem búin er að vera hérna í dag. Lýst var yfir neyðarástandi í Tauranga, enda hrundu um 5 hús niður brekkur þar sem jarðvegurinn gaf sig og fleiri fleiri garðar haf haft búferli þar sem þeir runnu niður í nágrannagarðana. Mikil flóð mynduðust á götunum, allt upp í meters djúp þar sem niðurföll höfðu engan veginn undan úrkomunni og skapaði þetta eitt allsherja umferðaröngþveit. Auk þess þurfti að loka vegtengingum á milli hverfa vegna þessra flóða, t.d. hafnarbrúnni inn í hverfið okkar, Mt. Maunganui. Brýr hrundu og lokuðu aðkomu í bæinn og komst til að mynda einn af skrifstofunni okkar ekki í vinnu vegna þessa. Hræðilegt slys varð hérna rétt fyrir utan sem rekja má til rigningarinnar og fórust 8 manns þar á einu bretti, allt saman ferðamenn nema bílstjórinn.

Úrkoman varð230 mm á 10 klst og búist er við að það rigni um 120 mm í viðbót sem gerir 350 mm á einum sólahring. Þetta er því ekki búið. Ef farið er viku aftur í tímann og því bætt við er úrkoman orðin yfir 500 mm á 9 dögum sem er rúmlega helmíngur af ársúrkomu á Íslandi. Þetta er þvílíkt ótrulegt magn þegar hugsað er til þess að þetta er hálfur meter af vatni sem myndi liggja yfir bænum öllum.

Ég fletti upp á netinu hver rúmþyngd snjós væri í samanburði við vatn og í því tilfelli sem ég las um, þá er snjór 0,28g/cm3 en vatn 1g/cm3 sem þýðir að snór er um 4x rúmmeiri en vatn. Þetta þýðir að sú vatnsúrkoma sem hérna var í dag jafngildir 1,4 metrum af jafnföllnum snjó og sl. 9 daga jafngildir þetta 2 metrum af jafnföllnum snjó. Dágott það.

Baddi gerði stutt video af þesari miklu úrkomu áðan og er hægt að skoða það hérna.

Fimtudagurinn 12. maí 2005

POPPPUNKTUR RT8 vs RT1 Í JANÚAR

Ég er búinn að vera á leiðinni að gera þetta video í mjög langan tíma. Þegar ég var á Íslandi náði ég að fara á 3 Round Table fundi hjá mínum gamla klúbbi RT 8. Á einum þessara funda skoraði RT 1 á okkur átturnar í Popppunkti, þeirri sömu keppni og haldin er á skjá einum. Var Felix Bergsson fenginn til að stýra þessari miklu keppni og gerði han það af mikilli röggsemi. Dómari og stigaverðir voru Sigfús þristur og Gosi ellefa. Í báðum liðum voru bræður meðlima í hljómsveitinni Maus þannig að þetta átti að verða tvísýn keppni. En raunin varð önnur. Við átturnar svoleiðis rúlluðum yfir ásana með Viktor frænda í fararbroddi. Video af kvöldinu er hægt að skoða hérna og dæmi hver fyrir sjálfan sig.

Miðvikudagurinn 11. maí 2005

ALLT Í FLÆKJU

Í gær, sem og um síðustu helgi fór ég að æfa mig að flugdrekasigla sem er svo sem ekki í frásögur færandi. Við ákváðum að hætta um 4 leytið í vinnunni og fór ég út í Ferguson Park þar sem við venjulega kætum. Þegar ég kom voru 3 úti á sjó þannig að ég tók fram búnaðinn og klæddi mig í. Þegar ég var klár komu þeir allir að landi og voru hættir í bili. Ástæðan var of lítill vindur. Ég ákvað samt að láta á reyna og fékk aðstoð við að setja drekann á loft. Þegar í sjóinn var komið byrjað ég vel með 2 góðum dýfum og fleytti kellingar á yfirborðinu.

Eftir um 5 mínútna skemtun datt vindurinn niður og drekinn féll þar af leiðandi af himnum ofan. Eftir nokkrar árangurslausar tilraunir við að reyna að koma honum á loft gafst ég upp og dróg inn bandið til að nálgast drekann. Þar sem það var farið að rökkva ákvað ég að fara heim og greiða úr flækjunni þar. Eins mikið og ég vandaði mig við að draga inn línuna þá tókst ekki betur til en að það tók mig 2 tíma að greiða úr þeirri stóru flækju sem myndaðist. Það var því langur frágangstími fyrir stutta skemtun.

Annars er þetta farið að ganga mun betur en í byrjun og hef ég nú orðið nokkra stjórn á drekanum og get meira að segja siglt upp í vindinn með líkambeytingunni einni saman. Ef það verður einhver vindur hérna um helgina þá ætti að vera möguleiki að prufa að fara á brettið sjálft á Sunnudaginn. Það verður einhver sjónin. hmmmm

Þriðjudagurinn 3. maí 2005

157 MM ÚRKOMA Á 12 KLST Á NZ

Hér í kvöld kom ein sú mesta rigning sem ég hef nokkurn tímann séð á ævinni. Rigning síðasta klukkutímann hefur verið 67 mm og áætlað er að úrkoma næstu 10 klst verði um 90 mm í viðbót. Samtals eru þetta því 157 mm á hálfum sólahring. Lögreglan hefur varað fólk við að keyra á götunum enda eru þær nánast flóðasvæði og nokkur slys hafa hlotist af. Til viðmiðunar þá er meðal úrkoma á íslandi um 950 mm eða um 80 mm á mánuði. Þessi 12 klst úrkoma er því jafn mikil og 2ja mánaða meðal úrkoma á Íslandi. Við hefðum auðveldlega getað skroppið út fyrir með sjampóið og tekið hina daglegu sturtu en ákváðum að láta þurrt liggja.

Spáin er rigning út vikuna, en hér hefur bara rignt 1 sinni síðan ég kom hingað 24. febrúar, eða í rúma 2 mánuði. Þetta er nottla gott fyrir gróðurinn og allt það, enda allt orði skrjáfaþurrt, en fyrr má nú aldeilis fyrrvera.

Til baka á forsíðu