WHAAASSSUUUP

Til baka á aðalsíðu

Fimtudagurinn 28. apríl 2005

SMIRTING (SMOKING AND FLIRTING) = REÐUR (REYKUR OG DAÐUR)

Hérna á Nýja Sjálandi hefur verið bannað að reykja á veitinga og skemmtistöðum síðan 10. desember í fyrra. Í byrjun voru um 57% með og 43% á móti banninu en núna 4 mánðum síðar hefur þetta breyst þannig að um 73% eru meðfylgjandi og 27% andvígir. Þetta virðist því vera vel heppnað og mikill meirihluti er ánægður, sérstaklega ég og aðrir reyklausir.

Þar sem erfiðara og erfiðara er fyrir reykingafólk að blandast reyklausum, meðal annars á stefnumótalínum þar sem spurt er sérstaklega um það hvort að þú reykir eða reykir ekki, þá hefur reykingafólk fundið upp nýja tegund stefnumóta í þeim löndum þar sem þetta bann hefur náð fram að ganga. Er það nokkuð sem kallar er SMIRTING og er samsett af orðunum Smoking og Flirting. Ef þetta yrði yfirfært yfir á Íslensku þá gæti þetta staðið fyrir REYKUR OG DAÐUR og styttingin gæti verið REYÐUR eða það sem jafnvel er betra, REÐUR.

Sé ég þetta orð alveg geta passað við stelpur þar sem þær geta þá talað um að hittast til að fara á REÐUR en ég myndi reyndar passa mig á strákum sem vildu gera slíkt hið sama. Ég sé fyrir mér fólk hittast á gamla hallærisplaninu (gamlir og góðir tímar) og stunda REÐUR þar sem byrjað er á fleygum setningum eins og áttu eld, má eg kveikja í þér, hverrar tegundar ertu, geturðu blásið hringjum, ertu engill, nei afhverju, það eru svo mikið ský í kringum þig og eflaust margar aðrar. Ef einhver hefur fleygar pick up línur fyrir reykingafólk sem vill fara á REÐUR þá endilega skrifiði þær hérna í commentin.

Sunnudagurinn 24. apríl 2005

LOKSINS KOMST ÉG AÐ KÆTA AFTUR

Loksins komst ég í kennslu í kæti aftur. Þegar ég kom hingað niðreftir aftur þá ákvað ég að kaupa stærra flugdreka en ég átti. Sá litli sem ég á er 13 m2 en sá stóri eru heilir 17 m2 og er hægt að nota í nokkuð litlum vindi. Það hefur hins vegar ekki verið einn dagur með vindi hérna síðan ég kom þann 24. febrúar, eða í heilar 9 vikur. Loksins á fimmtudag og föstudag koma kjör vindur en þá komst ég ekki sökum vinnnu. Maður er víst ekki í skóla lengur þar sem maður ræður eigin tíma. Núna í dag gerðist það svo loksins að það var nægur vindur, það mikill að litli 13 m2 flugdrekinn var alltof stór. Ég endaði á því að leigja mér flugdreka hjá kennaranum sem er ekki nema 6 m2 og dugði hann mér vel í dag.  Ætlunin er að fara aftur í kenslu á morgun og vonandi get ég þá notað annan af flugdrekunum mínum. Ef allt gengur að óskum ætti að maður að vera farinn að kitesurfa innan fárra vikna.

Fimtudagurinn 22. apríl 2005

KOMIÐ SOKKATÍMABIL OG LÖGGUKLÁM

LÖGGUKLÁM

Löggan hérna á Nýja Sjálandi er í miklum vandræðum vegna klámfengni. Gerð var rassía í tölvum lögreglumanna og kom í ljós að 20% af tölvukerfi lögreglunnar innihélt klámmyndir og klámvideo. Mikil fjölmiðlaumræða er um þetta núna og hefur 1 lögregluþjónn þegar sagt af sér. Um er að ræða um 330 lögreglumenn og verða einhverjir þeirra sennilega sóttir til saka og dæmdir til fangavistar og þeir sem minna hafa geymt af slíku efni verði dæmdir til meðferðar hjá sálfræðingi til að greiða úr sálarvandræðum sínum. Sumt af þessu efni er þess eðlis að lögreglumenn hafa þurft sálfræðiaðstoð ef þeir hafa komist yfir slíkt efni í einhverju af sínum málum. Hmmmm. Hvað skyldi mikið af tölvupósti lögreglumanna á Íslandi innihalda klám. Ég hef allavega fengið þá nokkra og ekki orð um það meira.

SOKKARNIR

Við skruppum í bíó áðan til að sjá Sahara sem er svo sem ekki í frásögur færandi, enda mikil hetjumynd. Það sem ég hins vegar gerði mér ljóst á leiðinni er að hérna er komið SOKKA og SÍÐBUXNATÍMABIL. Það er orðið kallt á kvöldin og stuttbuxurnar eru orðnar of kalldar fyrir kvöldgönguna og gæsahúðin myndast ef sokkarnir eru ekki á fótunum. Hitastig er komið niður í þetta 10-14 °C á kvöldin og nóttunni en helst ennþá þetta 18-20 °C á daginn. Það er ekki langt í það að maður þurfi að fara að kynda íbúðina á kvöldin.

Laugardagurinn 16. apríl 2005

HEIMSÓKNIR Á GINFAN.COM VORU 17.562 Í FEBRÚAR

Núna á síðustu mánuðum hefur heimsóknum á heimasíðuna mína stóraukist. Í fyrra var ég með að meðaltali 41 heimsókn á dag þar sem 18. ágúst var með flestar heimsóknir eða 886. Það sem af er þessu ári hef ég hins vegar fengið að meðaltali 368 heimsóknir á dag þar sem Febrúar var stæðstur með 17.562 heimsóknir og stæðsti dagur var 7. febrúar með 4.357 heimsóknir.

En hvernig stendur á því að teljarinn hjá mér er þá ekki að telja meira en raun ber vitni. hmmmm.

Það er reyndar mjög einföld ástæða fyrir því. Við höfum á veru okkar hérna á NZ verið að gera ýmis video og myndasíður sem hafa komist inn á batman, tilveruna, humor og fleiri afþreyingarsíður. Ein mynd sem fór inn hjá B2.is í Febrúar var t.d. skoðuð 7.939 sinnum.

Þegar maður nær tengingu inn á þessar síður á Íslandi þá eru fljótir að myndast tenglar í öðrum löndum. Þeir sem standa að síðum sem þessum vita greinilega af flestum síðum í flestum löndum og eru fljótir að bæta tenglum inn. Það eykur flóruna og fékk ég t.d. heimsóknir frá 101 landi í febrúar einum saman.

Hérna eru nokkar afþreyingarsíður í hinum ýmsu löndum sem hafa linkað inn á síðuna mína .

http://search.singingfish.com

http://www.readcn.com

http://www.coolios.net

http://www.forpsi.com

http://www.win.it/musica/h/haka.html

http://funnyray.web-log.nl/

http://www.tctv.ne.jp/uoainii/

Svona gæti ég haldi áfram en ætla að láta staðar numið að sinni. Á mörgum þessara síðna er ekki einu sinni hægt að sjá hvað það er sem er linkað inn, en gaman að þessu samt.

Hægt er að skoða meðaltölin með því að smella hérna eða á myndina hér til hliðar.

Það væri gaman að sjá svipaðar tölur af síðunni hjá Badda, en hann er að ég held með mun fleiri tengla linkaða inn á sig en ég.

Mánudagurinn 11. apríl 2005

VIÐ Í ÚTVARPSVIÐTALI Á FM 106,8

Við skelltum okkur til Hamilton á Laugardaginn til að sjá Rugby leik í Super 12 deildinni þar sem Chiefs, sem er okkar lið, var að keppa við Sharks, sem eru frá Suður Afríku. Við erum greinilega lukkunnar pamfílar þar sem þetta var fyrsti leikurinn í langan tíma sem Chiefs unnu og bara sá annar á tímabilinu. Leikurinn endaði 40-5 og var hin besta skemtun.

Þegar heim á gistiheimilið var komið til að skifta um föt áður en á djammið væri farið voru þar 2 eldri menn sem við fórum að spjalla við. Talið barst um Ísland, Nýja Sjáland og ferðina umhverfis hnöttinn og virtust þeir vera mjög áhugasamir um þessi málefni. Eftir nokkuð spjall kom í ljós að þarna voru á ferð útvarpþáttagerðarmenn og voru þeir með þætti á Sunnudögum á milli kl.12-14. Það endaði með því að við vorum beðnir að koma í viðtal til þeirra daginn eftir og þáðum við það boð, enda hvorugur okkar náð slíkri frægð fyrr.

Þó að heilsan hafi ekki verið upp á marga fiska um morgunin (enda næturlífið í Hamilton kannað á Laugradagkvöldinu) þá rættist vel úr þessu og vorum við í viðtali í um hálftíma þegar upp var staðið. Spjallað var um Ísland og söguna, Þorskastríðið, landfundi og hver það var sem fann Ameríku, hversvegna við værum á NZ, heimsferðina og margt annað. Þetta var ansi áhugavert og gaman að taka þátt í slíku, enda nýtt í huga manns. Ekki var þetta reyndar útvarpstöð með mikla hlustun en hver þarf að vita af því.

Laugardagurinn 9. apríl 2005

NÝTT VEDEO Á SÍÐUNNI HJÁ BADDA

Baddi eyddi öllu gærkeldinu í að gera nýtt video af ferðinni okkar til Bay of Islands. Snilldar video þar sem stutt brot af flestöllu eru klippt saman. Videoið er hérna og er 6 Mb þannig að það þarf þokkalega tengingu.

Þriðjudagurinn 5. apríl 2005

VIDEO AF FERÐINNI TIL BAY OF ISLANDS

Ég settist niður í gær og setti saman video frá helginni okkar upp í Bay of Islands um páskana. Ég ætlaði alltaf að setja saman smá grein um þetta líka og hún er hérna í stuttu máli.

Aksturinn upp eftir tekur um 6 tíma þannig að það var ekkert gert á fimtudagskvölidnu. Hérna á NZ er ekki gefið frí á Skírdag eins og á Íslandi þannig að þetta er bara 4ja daga helgi. Föstudagurinn byrjaði vel enda var ætlunin að fara að Kæta rétt hjá Kerikeri, bænum sem við bjuggum í. Þetta er staður þar sem aðrir flugdrekabrettarar koma saman. Hérna átti svo sannarlega að sýna hæfileika sína fyrir hinum og var mikil lagt upp úr undirbúningi. Eftir um hálftíma undirbúning var drekinn settur á loft mjög varlega. Þegar allt klárt var honum dýft hressilega til að ná togi en þar sem það var þó nokkur vindur þá missti ég stjórn á honum með þeim afleiðingum að hann dróg mig eftir sjávarbotninum sem var mjög grunnur enda fjara þá stundina. Það verður því ekki farið að flugdrekast aftur nema í fylgd með kennara, en hérna í Tauranga hefur ekki verið nægjanlegur vindur síðan ég kom niðreftir, eða í um 6 vikur.

Ferðin upp til Norðurhluta norðureyjarinnar á Sunnudeginum var snilld.  Maður hefur stundum lesið um að það sé verið að sandsurfa í eyðimörkunum. Nyrðst á norðureyjunni eru miklir sandhólar og sandauðnir við ströndina. Þetta er nyrðst á stað sem heitri 90 mile beach og er eins og nafnið ber með sér strönd sem er um 90 mílna lögn. Notuð err venjulega body surf bretti og kann ég ekki frekari þýðingu á því orði. Það er ótrúlegt hversu mikilli ferð er hægt að ná í þessu, enda var þetta mjög hátt fjall sem við renndum okkur niður. Hægt er að sjá þetta snilldar ævintýri á videoi sem ég bjó.

Einnig fékk ég að taka í mótorcrosshjól sem er nokkuð sem ég hef ekki gert síðan ég viðbeinsbrotnaði í Rauðhólunum fyrir um 20 árum síðan. Þetta var bara snilld og var ég sá eini sem tókst að festa hjólið í drullupytti í fyrstu tilraun eins og sést á myndunum með tilheyrandi drulluaustri yfir mig allan. hehe

Myndirnar eru eftir sem áður á síðunni hjá Badda.

Næstu helgi förum við síðan til Hamilton á leik í Super 12 Rugby deildinni sem er keppni á milli liða frá NZ, Ástralíu og Suður afríku.

NÝJAR HEIMSÍÐUR

Ég vil benda á nýja linka sem ég hef sett inn undir heimasíður en það er hjá frændum mínum Bigga og Viktori. Þeir eru báðir miklir tónlistarmenn og eru að kynna nýju tónlistina sína á þessum síðum. Ég hvet ykkur til að skoða síðurnar og hlusta á frumsamda músikina þeirra.

Fimtudagurinn 31. mars 2005

TÖLVAN LOKSINS KOMIN ÚR VIÐGERÐ

Sælt veri fólkið. Loksins er tölvan mín komin úr viðgerð eftir rúmlega 3ja vikna fjarveru. Síðasta helgi, páskahelgin var ein sú skemtilegasta sem ég hef upplifað til þessa. Það var margt prufað eins og að Kæta og slasa sig, Sand surfa á sandfjalli, veiða á snekkju og fleira. Ég mun setja grein inn um þetta á Sunnudaginn komandi þar sem ég er að fara núna í útilega með Round Table og hef ekki meiri tíma. Einnig mun ég setja inn video frá Sand surfinu og fleiru góðu.

Vinnan gengur ennþá vel. Það er allavega ekki  búið að reka mig.

Ég hvet ykkur í millitíðinni til að skoða greinina um þetta á heimasíðunni hjá Badda og síðan eru 4 nýjar myndasíður á myndasíðunni hjá honum frá síðustu helgi.

Sunnudagurinn 20. marsr 2005

ÉG VAR Í FANGAKLEFA OG ER GÓÐKUNNINGI LÖGGUNNAR Í DAG

Þá er ég aftur kominn í tölvuna hans Badda að skrifa nokkrar línur. Eins og að neðan greinir þá var ég í fangaklefa í síðustu viku en því miður þá bilaði kommentakerfið þannig að ég veit ekki hvort að fólk hefur trúað þessu eða ekki.

Þetta var engin lýgi að ég sat læstur inni í fangaklefa og er orðinn góðkunningi lögreglunnar. Ég var meira að segja settur inn í klefa með öðrum fanga. Ástæðan var reyndar ekki glæpamennska að neinum toga heldur var Mainzeal að skila af sér verkefni sem var endurnýjun fangaklefanna. Það voru nokkrir hlutir eftir svo sem að mála á nokkrum stöðum í nokkrum klefum og þar sem þetta var svo lítið þá fannst mér ekki taka því að fá málara í þetta og gerði þetta bara sjálfur.

Þetta var soldið sérstök reynsla þar sem fangaklefarnir voru í fullri notkun og það þurfti að vera að færa fanga á milli eftir því sem ég málaði.

Allan þann tíma sem ég eyddi í fangelsi sá ég ekki einn einasta hvítan mann þarna inni. Allir sem inni sátu voru Maorítar, enda eru um 90% fanga hérna í landi af þeim kynstofni. Yfirleitt var mikill órói í þeim sem þarna voru og stanslaus köll og bönk og lítilskonar spörk til að reyna að ná athygli fangavarða.

Í eitt skiftið þurfti ég að fara inn í fangaklefa þar sem annar fangi var í. Þegar vöðurinn opnaði dyrnar þá kallaði hann hárri og hvassri röddu að fangunum "STAY, I DON'T HAVE TIME FOR YOUR BULLSHIT" en fanginn hafði verið að reyna að ná athygli varðarins í nokkur tíma. Fanginn þorði að sjálfsögðu ekki öðru og sat grafkyrr á meðan ég var þarna inni. Þetta var svona eins og að heyra eigandann ala upp hundinn sinn þar sem hvöss rödd er notuð til að banna þeim einhverja hluti.

Allavega, það var gaman að taka þátt í þessu eins og öðru sem er í gangi hérna.

Vinnan gengur annars fínt og ég er að komast inn í þetta og er farinn að taka meir þátt í stjórnun en í byrjun. Það er reyndar skrítið að venja sig við þá hugsun að í dag er maður yfirmaðurinn á staðnum og þarf þar af leiðandi að skipa fyrir verkum. Þetta hlýtur að venjast.

þriðjudagurinn 15. mars 2005

TÖLVULAUS OG ALLSLAUS

Sunnudagurinn 6. mars 2005

ÍSLENDINGAMÓT Á NÝJA SJÁLANDI

Það breyttust öll plön hjá okkur Badda varðandi helgina þegar við fréttum af Íslendingum búsettum hérna sem ætluðu að hittast um helgina í um klukkustundar akstri frá Tauranga. Það var að sjálfsögðu pakkað í töskur og farið eftir vinnu á föstudeginum. Kom í ljós að þeir íslendingar sem vitað er um hérna hittast einu sinni á ári og hafa gert í mörg ár. Langflestir hafa búið hérna í 10-25 ár þó að einnig séu 2 stelpur sem komu hingað fyrir 1 og 3 árum að mig minnir. Margir eru búnir að vera hérna svo lengi að það er orðið þægilegra að tala esnku hver við annan, enda eru allir hér með nýsjálenskar fjölskyldur. Flestir komu eftir að hafa kynnst NZ stelpum sem komu að vinna í fiski út á landi og var ég t.d. eini íslendingurinn frá Reykjavík á föstudagskvöldinu. Eftir því sem við best vitum erum við því einu íslendingarnir hérna sem komu bara til að vinna en ekki vegna kynna við NZ stelpur.

Þetta var frábær hópur sem hefur hist í að mér skilst 19 ár. Ætlunin er að Baddi setji upp heimsíðu fyrir íslendinga í NZ á næstunni og munum við kaupa sérstakt domain til þess.

Á laugardeginum fórum við öll á ströndina og náði ég að taka fram Kætinn minn. Í þeirri tilraun minni til að fljúga honum komst ég að því hersu skelfilega lélegur ég er í þessu ennþá og næsta verk að panta sér kenslustund. Baddi tók 2 stutt byndbönd af þessu og eru þau hérna.

Annars hefur gegnið vel í nýju vinnunni þó að hún fari verulega rólega af stað. Ég er aðalega í að ganga frá smáviðgerðum á verkum sem verið er að skila af sér eins og ráðuhúsinu og fangaklefunum. Einnig hef ég verið á byggingastað þar sem verið er að reisa steypueiningar og stálgrind til að kynnast skriffinskukerfinu hjá þeim en það er mjög mikið til að tryggja hagsmuni fyrirtækisins.

Myndir af helginni er að finna á myndasíðunni hans Badda.

Til baka á aðalsíðu