WHAAASSSUUUP

Laugardagurinn 28. ágúst 2004

SKÓLAVERKEFNIÐ

Þá er maður loksins byrjaður á verkefninu sjálfu aftur eftir 5 vikna yfirlegu yfir Specialnum. Þetta og uppfærsla af því sem varðar fyrirtækið er nú komið á netið og er á skólasíðunni.

Mánudagurinn 23. ágúst 2004

NÝJASTI UPPTAKARINN Á MARKAÐNUM

Þegar við héldum ólýmpíuleikana okkar þá að sjálfsögðu tekin ágætið upphitun fyrir leikana. Við fórum að gera tilraunir með nýjar aðferðir við að opna flöskurnar sem drukkið var úr og varð úr að ég ákvað að reyna að opna eins slíka með nablanum. Það er greinilegt að maður er í góðri þjálfun á réttum stöðum. Árangurinn er hægt að sjá á meðfylgjandi videói hér.

Sunnudagurinn 22. ágúst 2004

ÓLYMPÍULEIKAR GRACELENDINGA

Þá eru yfirstaðnir ólympíuleikar okkar Gracelendinga en þeir voru voru haldnir á ströndinni núna um helgina. Keppt var í ýmsum greinum svo sem 200 millimetra spretthlaupi. 42ja metra maraþoni, ormatínslu, Ginflösku kasti og fleiru. Allt var þetta tekið upp á video og myndavélar og höfum við Baddi verið að dunda okkur við það í dag að gera úr þessu videoræmu. Við erum með sinnhvora útfærsluna þó að myndbrotin séu flest hin sömu þá eru klippingarnar aðeins öðruvísi hjá okkur. Videoið mitt er hérna og Badda hérna. Myndirnar eru á myndasíðunni.  Þegar þið skoðið myndböndin þá sjáiði að það er bara einn sigurvegari á þessum leikum og það er ég. Látiði engan annan segja ykkur neitt annað.

Sunnudagurinn 15. ágúst 2004

SKÝJASTÖKKIÐ, ÍSBARINN OG FLEIRA Í AUCLAND, NÝJA SJÁLANDI

Ég skrapp til Auckland um helgina að hitta Pedro og félaga hans þar til að fara upp í Skytower og stökkva fram af honum. Turninn er sá hæðsti á suðurhveli jarðar, 328 metrar. Annar staðar í heiminum þekkist það ekki að hægt sé að stökkva fram af slíkum byggingum og því einstakt fyrirbæri út af fyrir sig. Pallurinn sem stokkið er af er í 192 metra hæð. Öryggi er mikið og allt er tví athugað áður en stokkið er. Þegar fram á pallin er komið horfirðu beint niður alla 192 metrana og get ég alveg sagt að það er skelfilegt. Að standa á brúninni og taka þetta síðasta skref fram af er mjööög erfitt. Maginn er í algerum hnút, hjartað slær hraðar en nokkru sinni áður, líkaminn titrar af hræðslu og adrenalínið flæðir um líkamann. Þegar svo þetta síðasta skref er tekið þá er þetta ekkert annað en algert kikk. Fyrst ertu látinn flakka niður um 5-10 metra. Þar ertu látinn dingla þangað til að búið er að taka myndina og síðan ertu látinn flakka aftur á 75 km hraða í klukkustund niður alla 192 metrana. Svona ca. 5 metrum áður en þú lendir hægist á þér skyndilega og þú lendir mjúklega á lendingarpalli, svona rétt eins og þyrla myndi gera. Váááá, þetta var algert adrenalin kikk og alger nauðsyn fyrir alla spennufíkla að gera.

Að sjálfsögðu var þetta allt myndað og eru myndirnar á myndasíðunni og VIDEOið hérna. Hinir strákarrni, Baddi, Gústi og 'Thomas gugnuðu á þessu dæmi og því var eyða þegar við stukkum . Við fengum því að stökkva 2 sinnum og seinna stökkið var frítt. Takk strákar fyrir það.

Að þessu loknu var farið á Ísbarinn í miðbæ Aucland. Þetta er herbergi þar sem er -5° gráða frost. Allar innréttingar eru úr ís, barborð, stólar glös og fleira. Þú fékkst kuldagalla áður en þú fórst inn þar sem þú máttir einungis vera í um 20 mínútur. Ekki er hægt að segja að þetta hafi verið óvanalegt fyrir íslendinginn en aðrir sem þarna voru fannst þetta mjög kallt. Góð upplifun og óvanaleg á suðurhvelinu.

Að þessu loknu var farið í party í miðbæ Aucland og var fólk frá öllum norðurlöndum, Svíþjóð, Noregi, Danmörku, Finlandi og svo ég fra Íslandi. Flest allir voru í námi í Auckland í viðskiftafræðum af einhverjum toga.

Að sjálfsögðu var farið á næturlífið á eftir og er alveg hægt að mæla með því. Góðir pöbbar o gnæturkúbbar og mikið af fólki í bænum. Flestallir voru bara á skyrtum eða létt klæddir þó að hérna sét vetur. Hvewrnig skyldi þetta vera á sumrin.

Eftir þetta stökk er ég orðinn efstur í keppninni sem við erum með með 6 stig.

Fimtudagurinn 12. ágúst 2004

ÍSLENSK FYLGDARÞJÓNUSTA.

Ég rakst á þessu síðu um daginnn þar sem íslensk stúlkar er að blogga um starf sitt sem er tengt fylgdarþjónustu. Reyndar starfar hún ekki við þetta á íslandi en þetta eru ansi góðar greinar um það sem hún er að upplifa við starfið og byrjar eiginlega frá fyrsta degi þegar hún er að spá í því að taka þetta starf að sér. Mér finnst allavega gaman að lesa þetta.Vona að þið njótið þess líka.

Bytheway. Ég er að fara til Auckland núna um helgina til að taka skýjastökkið mikla frá Skýjaturninum í þeim sama bæ. Þetta er 192 metra fall og þú lendir mjúklega á jörðinni eftir að byrja að hæga á þér um 5 metra frá jörðu. Hér er linkur til að skoða hvað þetta er.  Einnig munum viðí leiðinni fara á ísbarinn en þar er hitastig vel fyrir neðan frostmark og glösin er úr ís. Það er spurning hvort að ég þurfi að fá mér klaka í Ginið mitt. Ég mun setja myndir af þessu inn á síðuna á sunnudag eða mánudag.

Þriðjudagurinn 8. ágúst 2004

11. FEBRÚAR

Margt er það sem kaninn gerir sér til dundurs. Ég rakst á heimasíðu þar sem raktir eru ýmisr merkisviðburðir þann merka dag 11. febrúar, sem er fæðingardagurinn minn. Við nánari skoðun kom í ljós að Jenifer Aniston hin undurfagra, Leslie Nielsen leikari, Thomas Alva Edison uppfinningamaður, Eva (Zsa Zsa) Gabor og George Wasington fv. forseti Bandaríkjanna eru fædd áþessum merkisdegi. Úr skemtanabransanum þann 11. febrúar er helst að árið 1938 var Andrésar andar kvikmyndin Self Control gefin út og árið 1949 var það Andrésar andar myndin Donald's happy birthday sem var gefin út. Howard Stern byrjaði útvarps útsendingar árið 1993. "Weird Al" Jankovich tók upp lögin Ricky og Buckingham Blues árið 1983 og árið1972 frumflutti  David Bowie  "Ziggy Stardust," Margt annað merkilegt mætti telja en ég læt hér við sitja. Vilji einhverjir skoða þetta nánar eða fletta upp á sínum merkisdögum þá er linkur hérna.

Sunnudagurinn 8. ágúst 2004

HAKA

Núna stendur yfir landsleikjatímabil í Rugby þar sem All blacks, eins og NZ landsliðir er kallað, eru að spila á móti hinum ýmsu liðum eins og Englandi, S-Afríku, Ástralíu og fleirum. Fyrir hvern einasta leik taka þeir HAKA, sem er stríðsdans ættaður frá Marítum. Um daginn þá fór Baddi að spá í því hvort að við Íslendingar ættum ekki okkar eigin HAKA og kom hann upp með hugmyndi að nota dansk sem Grindvíkingar tóku stundum fyrir leiki og heitir ZIGGAZAGGA. Þegar þetta barst í tal í skólaferðinni var ákveðið að bera þessa tvo dansa saman og sjá hver myndi hræða andstæðinginn meira. Þessi athöfn náðist á video og hef ég sett þetta saman í blandi við HAKA danskinn sem All Blacks taka fyrir leiki. Hvor finst ykkur nú ógnvænlegra??  Sækja video hér.

Meðfylgjandi er svo söngtextinn og þýðing á honum:

Ka mate, Ka mate!
(It is death, It is death)
Ka ora, Ka ora!
(It is life, It is life)

Ka mate, Ka mate!
(It is death, It is death)
Ka ora, Ka ora!
(It is life, It is life)

Tenei te tangata puhuruhuru
(This is the man above me)
Nana i tiki mai whakawhiti te ra!
(Who enabled me to live)

A hupane, kaupane
(As I climb up step by step)
A hupane, kaupane whiti te ra!
(Towards sunlight)
Hi!

Laugardagurinn 7. ágúst 2004

FERÐALAGIÐ

Eftir viku á veginum erum við komnir til baka. Þetta var að mestu stanslaus keyrsla allan tímann á milli staða. Á fyrsta deginum var farið í vatnsvirkjanirnar á Rotorua svæðinu. Þetta myndi reyndar ekki teljast stórvirkjanir á íslenskan mælikvarða en hefur kanski verið nokkuð merkilegt á sínum tíma. Gist var í Napier fyrstu 2 næturnar þar sem slegið var upp góðu partýi fyrstu nóttina þar sem Gúdstöff eins og hann er orðið kallaður spilaði á gítar við góðar undirtektir flestra. Á öðrum degi var farið til vínræktenda og vín þeirra smökkuð. Reynt var að hylja yfir drykkjulöngun stúdentanna með því að segja að við vildum skoða byggingarnar sem hýstu starfsemina. Gekk það reyndar svo langt hjá einum framleiðandanna að húsið var útskýrt í þaula án þess að til nokkurrar smökkunar hafi komið við mikla óánægju nemenda.

Á þriðja degi var farið til Wellington og stoppað á leiðinni í TUI bjórverksmiðjunni. Þarna eru mjög vitrir menn á ferð, enda eru þeir með fallegan lit sem einkennislit fyrirtækisins. Orange er hann eins og allt annað gott í lífinu, og er Fylkir þar meðtalið þrátt fyrir dapurt gengi sl. 6 vikna. Myndir er að sjá af þessu á myndasíðunni.

Aftur var partýi slegið upp á miðvikudeginum við undirleik Gúdstöffs. Fimtudagurinn fór í ýmsar skoðaðanir í Wellington svona inn á milli þess sem við villtumst og vorum að verða bensínlaus og svo framvegis. Óhætt er að mæla með því að fara til Wellington. Þetta er ein af fallegri borgum sem maður hefur komið til.

Þegar heim var komið voru allir uppgefnir, svo uppgefnir að það varð ekki einu sinni úr GT tíma eins og venja er til á Föstudags og Laugardagskvöldum. Myndirnar eru komnar inn á síðuna hjá mér og einnig er hér linkur inn á myndirnar hans Badda.

Sunnudagurinn 1. ágúst 2004

FERÐALAG Í VÆNDUM

Þá er um við loksins að fara að skoða landið aðeins. Það hefur ekki verið neitt um slíkt, fyrir utan dagsferð sem ég fór til Rotorua. Þetta er ferð með skólanum þar sem farið verður til Wellington með viðkomu á nokkrum stöðum á leiðinni. Wellington er höfuðborg Nýja Sjálands og er syðst á norðureyjunni. Það verður því nóg af efni sem kemur inn á síðuna um næstu helgi.